සාම්පූර්, සුඩකුඩා ප්‍රදේශයේ බෞද්ධ නටඹුන් ඩෝසර් කිරීමට යොදාගෙන ඇත්තේ රජයට අයත් ඩෝසර් යන්ත්‍ර බවට හෙළිව තිබෙනවා.
සාම්පූර් ප්‍රාදේශීය සභාවේ අනුදැනුම මත එහි උපකරණ යොදාගෙන මෙම විනාශය සිදුකර ඇතැයි වාර්තා වන අතර, පොලිස් හදිසි ඇමතුම් ඒකකයට ලැබුණු පැමිණිල්ලක් මත පොලීසිය එම ස්ථානයට යනවිටත් ප්‍රාදේශීය සභාවට අයත් කැබ් රථයක් එම ස්ථානයේ තිබී ඇතත්, එම කැබ් රථය හෝ ඩෝසර් යන්ත්‍ර අත්අඩංගුවට ගැනීමට පොලීසිය කටයුතු කර නොමැති බවට චෝදනා එල්ල වනවා.
අදාළ සිදුවීම පිළිබදව කරුණු විමසීමේදී, එවැනි දෙයක් සිදුව නැතිබව පවසමින් ප්‍රාදේශීය සභාවේ මුස්ලිම් ජාතික නිලධාරීන් කොලඹ බලධාරීන් නොමග යැවීමට කටයුතු කර තිබෙන බවද වාර්තා වේ.
පුරාවිද්‍යා ගවේෂණ කණ්ඩායමක් විසින් දින කීපයකට ඉහතදී සොයාගනු ලැබූ අනුරාධපුර මුල් යුගයට අයත් බවට සැලකෙන ගරාවැටුණු මෙම චෛත්‍යය පෙරේදා (18) ඩෝසර් කොට බිමට සමතලා කර තිබිණි.
මෙම සිදුවීම සම්බන්ධයෙන් අගරදගුරු මැල්කම් රංජිත් කාදිනල් තුමන්ද ජනාධිපති කාර්යාලයෙන් විමසා ඇතැයිද වාර්තා වේ.